الجمعة، 27 أبريل 2007

ممممممم

عاوزه اذاكر ...عاوزه اجدد النيه وابدا بجد
هوه ليه الواحد بيكون متذبذب كده
يعني احيانا ابدا جد خالص وبتكون ايمانياتي مرتفعه جده وهوب مره واحده تنزل
بحس كاني ماشيه في طريق وباصه للسماء ومستمتعه بمنظر السحاب والنجوم ومره واحده اقع في حفره وافضل مستنيه لحد ما افوق واشوف هقرر اخرج منها واكمل طريقي ولا لا

مفروض ان مذاكرتي هيا جهادي في دنيتي علشان ارضي ربنا وارفع من شان ديني كلام عارفاه كويس وبسمعه من ناس كتير بس ليه مش بطبقه

ربنا بيكون كريم بالانسان قوي وبيديله فرص كتيره بس الانسان بغباؤه بيضيعها

بس انا عاوزه اعمل حاجه عاوزه انفع ديني عاوزه افرح اهلي مش مجرد لقب اخده والسلام

احيانا بحس اني عامله زي اللي بيدور حوالين نفسه لحد ما يتعب ويقع


يارب ساعدني لاني بجد تعبت تعبت من نفسي

كل ما اعمل حاجه كويسه واحس اني فرحانه وربنا راضي عني يجي موقف يضيع كل ده

الحكايه دي بتخليني احس اني مش صادقه مع نفسي

وكمان لما قريت في مدونه المجاهده الموضوعيين الاخريين
ياااه الواحد فعلا ممكن يكون قشره وقلبه حجر .. من غير ما يكون دريان بنفسه
قعدت افكر انا عاوزه ايه نيتي ايه

انا مش عاوزه الناس تشاور عليا ولا تقول دي فلانه انا عاوزه بجد اكون كويسه في حياتي وشغلي علشان ربنا يرضى عني

هناك 5 تعليقات:

مشروع انسان يقول...

ربنا يسهلك امورك وتذاكرى وتنجحى بتقدير كمان بس ليه الاحساس الوحش بعد اى عمل كويس اعتقد ده من الشيطان المفروض الواحد بعد اى عمل صالح يفرح بيه وميسمحش لاى حاجة تعكره وتضيع فرحته

بن توفيق يقول...

كنت بما اتكلم مع احد
بقول ان لو اى حد اتحلى بخلق معين .. الامور هتمشى كويسة جدا
مش هنلاقى رياء او معصية بعد عمل ايمانى
ولا حتى المعصية

الخلق ده هو مراقبة الله عز وجل لنا
ربنا بيراقبنا فى المذاكرة .. هعملها ازاى
ربنا بيراقبنى فى الصلاة .. هصلى ازاى
ربنا بيراقبنى فى دعوتى .. هدعوا ازاى

واظن ان ده هو الحل السحرى للموضوع ده :)

mohamed يقول...

في كتاب بيتكلم عن العادات العشرة للنجاح

اولهم مجاهدة النفس
وعلي الرغم من الكلمة ومعنها ضخم انما تنفيذها بسيط وهو انك بالفعل تضعي اي عمل بتجاهدي نفسك عليه موضوع التنفيذ

وربنا يعينك ويوفقك وتذاكري وتحققي التميز اللي يرضي الله وللي يرضيكي

Rehab Saber يقول...

وانا كمان عاوزة اذاكر :(

د.هند الفخراني(ساجده لله) يقول...

جزيتم خيرا جميعا