الجمعة، 27 أبريل، 2007

ممممممم

عاوزه اذاكر ...عاوزه اجدد النيه وابدا بجد
هوه ليه الواحد بيكون متذبذب كده
يعني احيانا ابدا جد خالص وبتكون ايمانياتي مرتفعه جده وهوب مره واحده تنزل
بحس كاني ماشيه في طريق وباصه للسماء ومستمتعه بمنظر السحاب والنجوم ومره واحده اقع في حفره وافضل مستنيه لحد ما افوق واشوف هقرر اخرج منها واكمل طريقي ولا لا

مفروض ان مذاكرتي هيا جهادي في دنيتي علشان ارضي ربنا وارفع من شان ديني كلام عارفاه كويس وبسمعه من ناس كتير بس ليه مش بطبقه

ربنا بيكون كريم بالانسان قوي وبيديله فرص كتيره بس الانسان بغباؤه بيضيعها

بس انا عاوزه اعمل حاجه عاوزه انفع ديني عاوزه افرح اهلي مش مجرد لقب اخده والسلام

احيانا بحس اني عامله زي اللي بيدور حوالين نفسه لحد ما يتعب ويقع


يارب ساعدني لاني بجد تعبت تعبت من نفسي

كل ما اعمل حاجه كويسه واحس اني فرحانه وربنا راضي عني يجي موقف يضيع كل ده

الحكايه دي بتخليني احس اني مش صادقه مع نفسي

وكمان لما قريت في مدونه المجاهده الموضوعيين الاخريين
ياااه الواحد فعلا ممكن يكون قشره وقلبه حجر .. من غير ما يكون دريان بنفسه
قعدت افكر انا عاوزه ايه نيتي ايه

انا مش عاوزه الناس تشاور عليا ولا تقول دي فلانه انا عاوزه بجد اكون كويسه في حياتي وشغلي علشان ربنا يرضى عني

ايام وعدت


ياه بقى عندي عشريييييييييين سنه
لما الواحد بيعدي علي اسبوع شهر سنه بيقول ياااااااااااااااه دي مده طويله اوي
قاعد في الدنيا عشرين سنه
بفكر عملت ايه
عمر قاعد يمشي ثواني دقايق ساعات والواحد قاعد في مكانه بيتفرج بس
كل يوم زي اللي بعده ودراما تتكرر دون اي جديد
احيانا اشعر اني اقف على محطه وقطار يمر بي ولا افكر يوما ان اركبه
كل ما افعله هو النظر اليه
ماذا اريد حقا؟؟
وكم ساضيع من عمري بعد ذلك في وهم الانتظار
كلمه سافعل سافعل كم اتمنى ان الغيها من قاموسي
وكم كان مع كل تاجيل الم والم وارهاق من انتظار الغد ليكون مثل امس بعد جهود نفسيه للتغلب على هذه الدوامه دون جدوى
حقا ارهقني ارهقني
ارهقني الانتظار

الخميس، 26 أبريل، 2007

هو ايه بالظبط

السلام عليكم

ممممم
ايه اللي جابني هنا مش عارفه بالظبط
بس ممكن عاوزه اتكلم شويه مع نفسي


او محتاجه اظبط حياتي

كل اللي في الموضوع تقريبا يعني اني بنت مصريه مسلمه بدرس الطب
في حاجات كتير اثرت في حياتي
بس دايما يراودني الاحساس اني بلا هدف مش عارف ليه بالظبط بس باذن الله هيطلع كله في الكلام