اعتذار

السلام عليكم ورحمه الله وبركاته
اردت ان اكتب اعتذارا لكل من ترك تعليقا في المدونه وعدم ردي
واعتذار خاص لمها
وان شاء الله هجاوب عن الوسم

عدنا

مدونتي
مرحبا بك
او ربما مرحبا بي انا
مازلت في الامتحانات ودوشتها
او كما تسميها مها غطسه الامتحانات

لكني اشتقت حقا للكتابه على الكيبورد لاخراج بعض من الافكار بتلافيف عقلي

وربما ما ساعدني هو مقاله قراتها للشيخ الراحل الشعراوي رحمه الله
نعمه لم تشكر الله عليها
كان هذا مضمون المقاله
هل فكريوما سوما في نعمه لم تشكر الله عليها
طبعا نعم الله لا تعد ولا تحصى

لكن كم نعمه تعلمها شكرت الله عليها
وكم من نعمه تنتظر ابرازها لتشكر الله عليها

دوامه الحياه او كما نسميها نحن هل هي كفيله لتمنعنا من شكر الله

الحمد لله ربي على السراء والضراء


لكن ... ما لفت نظري ابداع الشيخ الجليل في التفكر
اتعلم ماهي النعمه
نعمه الغيب
نعم
نعمه الغيب
...............................

ساتابع ان شاء الله مقوله الشيخ في البوست القادم

سمسره دكاتره

من فتره كنت قاعده على الجهاز وكان التليفزيون شغال على برنامج كده بتاع كوره على دريم 2 بيقدمه شوبير
عامه انا ليس لي في كره القدم لذلك لا يسترعي انتباهي مشاهده هذه البرامج. ولكن هذه الحلقه كان ينحدث عن حادثه ما . مكنتش مركزه قوي بس كل اللي سمعته لاعب واسانسير ولقى حتفه ووزاره الصحه

كل اللي استنتجته حادثه من حوادث الاسانسيرات المعتاده

واحنا قاعدين مع ماما وبابا. ماما بتحكيلنا حكايه اللاعب اللي حصلتله حادثه اسانسير وبعدين راح المستشفى وازاي المستشفى مرديتش تقبله علشان مش معاه مبلغ التامين وازاي اصحابه حاولوا يبيعوا الموبايلات علشان ينقذوا صاحبهم
بس كان الاوان فات

اه افتكرت دي بقه حكايه شوبير الموضوع بقه مش اهمال مباني بس لا ده سمسره دكاتره كمان

هنا باابا قال لا حول ولا قوه الا بالله ضاع شاب علشان ناس معندهاش ضمير
اعلم ان هذا قدره ولكن:
ما ذنبه ان تترك الشركه دائره الكهرباء مغلقه والاسانسير لم يكتممل
ما ذنبه واطباء المفروض انهم رفقاء اصبحوا حاملي اكفان

تذكرت كيف كان ابي العام الماضي ضحيه لمثل هذه السمسره ولكن الحمد لله كان الله رحيما بنا
في متابعه مع مهازل الاطباء وسمسره الدكاتره

ممممممم

عاوزه اذاكر ...عاوزه اجدد النيه وابدا بجد
هوه ليه الواحد بيكون متذبذب كده
يعني احيانا ابدا جد خالص وبتكون ايمانياتي مرتفعه جده وهوب مره واحده تنزل
بحس كاني ماشيه في طريق وباصه للسماء ومستمتعه بمنظر السحاب والنجوم ومره واحده اقع في حفره وافضل مستنيه لحد ما افوق واشوف هقرر اخرج منها واكمل طريقي ولا لا

مفروض ان مذاكرتي هيا جهادي في دنيتي علشان ارضي ربنا وارفع من شان ديني كلام عارفاه كويس وبسمعه من ناس كتير بس ليه مش بطبقه

ربنا بيكون كريم بالانسان قوي وبيديله فرص كتيره بس الانسان بغباؤه بيضيعها

بس انا عاوزه اعمل حاجه عاوزه انفع ديني عاوزه افرح اهلي مش مجرد لقب اخده والسلام

احيانا بحس اني عامله زي اللي بيدور حوالين نفسه لحد ما يتعب ويقع


يارب ساعدني لاني بجد تعبت تعبت من نفسي

كل ما اعمل حاجه كويسه واحس اني فرحانه وربنا راضي عني يجي موقف يضيع كل ده

الحكايه دي بتخليني احس اني مش صادقه مع نفسي

وكمان لما قريت في مدونه المجاهده الموضوعيين الاخريين
ياااه الواحد فعلا ممكن يكون قشره وقلبه حجر .. من غير ما يكون دريان بنفسه
قعدت افكر انا عاوزه ايه نيتي ايه

انا مش عاوزه الناس تشاور عليا ولا تقول دي فلانه انا عاوزه بجد اكون كويسه في حياتي وشغلي علشان ربنا يرضى عني

ايام وعدت

ياه بقى عندي عشريييييييييين سنه

لما الواحد بيعدي علي اسبوع شهر سنه بيقول ياااااااااااااااه دي مده طويله اوي

قاعد في الدنيا عشرين سنه

بفكر عملت ايه

عمر قاعد يمشي ثواني دقايق ساعات والواحد قاعد في مكانه بيتفرج بس

كل يوم زي اللي بعده ودراما تتكرر دون اي جديد

احيانا اشعر اني اقف على محطه وقطار يمر بي ولا افكر يوما ان اركبه

كل ما افعله هو النظر اليه

ماذا اريد حقا؟؟

وكم ساضيع من عمري بعد ذلك في وهم الانتظار

كلمه سافعل سافعل كم اتمنى ان الغيها من قاموسي

وكم كان مع كل تاجيل الم والم وارهاق من انتظار الغد ليكون مثل امس بعد جهود نفسيه للتغلب على هذه الدوامه دون جدوى

حقا ارهقني ارهقني

ارهقني الانتظار

هو ايه بالظبط

السلام عليكم

ممممم
ايه اللي جابني هنا مش عارفه بالظبط
بس ممكن عاوزه اتكلم شويه مع نفسي


او محتاجه اظبط حياتي

كل اللي في الموضوع تقريبا يعني اني بنت مصريه مسلمه بدرس الطب
في حاجات كتير اثرت في حياتي
بس دايما يراودني الاحساس اني بلا هدف مش عارف ليه بالظبط بس باذن الله هيطلع كله في الكلام